LLUZ D´AGOSTU EN XIXÓN

Simbiosis ye la palabra, el sistema que dexa que dos organismos espolleten, evolucionen, fáiganse al mediu y inclusive lo tresformen. Seique tamién l’espeyismu que fizo de Xixón, y d’otres tantes ciudaes europees de tradición industrial, un ente indefiníu que dulda ente los distintos modelos al so alcance. Reconversión y burbuyes convertiéronla nuna ciudá que podía permitise’l luxu d’esplotar la so veta cultural, d’esta miente desenvolviéronse munches de les plantes que desfilen pela película, Nacho Vegas ente elles, claro. Nun ye posible esplicar l’artista ensin conocer la ciudá, y nun hai meyor manera de conocer a ésta que siguiendo los pasos d’aquel. Una simbiosis.